Drogë pranë shkollave në Shijak dhe Manzë, Policia 'zbërthen' grupin kriminal (17 masa sigurie)

Pas hetimit prej disa muajsh, është finalizuar operacioni “Cleaning 5” në qytetin e Durrësit. Siç njofton Policia, janë ekzekutuar 17 masa sigurie. Përkatësisht 13 masa “arresti me burg” dhe 4 “arrest në shtëpi”. Ndërkohë, është shpallur në kërkim një person tjetër. Këta persona akuzohen për prodhim dhe shitje të lëndës narkortike, të cilën më pas e shisnin kryesisht në afërsi të shkollave në Shijak dhe në Manzë, si dhe në  ambiente të tjera që frekuentohen nga të rinjtë. “Objektivi i operacionit, identifikimi dhe arrestimi i shtetasve që tentonin të shpërndanin lëndë narkotike në afërsi të shkollave dhe në ambiente të tjera që frekuentohen nga të rinjtë. Gjatë operacionit, sekuestrohen sasi të konsiderueshme të lëndëve narkotike Heroinë, Kokainë dhe Cannabis Sativa, 3 armë zjarri (2 pistoleta dhe 1 kallashnikov), shuma të konsiderueshme parash, automjete dhe celularë. Këta shtetas, banues në Durrës, Kavajë, Shijak, dhe në fshatra të njësive administrative Sukth, Manzë dhe Xhafzotaj, akuzohen për veprën penale “Prodhimi dhe shitja e narkotikëve”, kryer në bashkëpunim dhe/ose më shumë se një herë”, thuhet më tej në njoftimin e bluve. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook: https://www.facebook.com/klannews Follow @klannews on Instagram: https://www.instagram.com/tvklannews/ #KlanNews #KlanNewsLajme #TvKlan