“Një zë më tha ta vrisja”, historia rrëqethëse e 7-vjeçares që u rrëmbye në derë të shtëpisë

🎧 Një podcast nga Edlira Kalaja 📺 #KrimetëPazgjidhura në #tvklan Athena Strand ishte një vajzë 7-vjeçare nga Oklahoma, e cila u zhduk më 30 nëntor 2022 pasi ishte kthyer në shtëpinë e babait të saj në Paradise, Texas. Fillimisht familja mendoi se ajo mund të ishte larguar pas një debati të vogël me njerkën, por dy ditë më vonë trupi i saj u gjet pranë një gremine. Hetimet çuan tek Tanner Horner, një korrier i FedEx, i cili kishte dorëzuar një pako Krishtlindjeje në shtëpinë e saj pak para zhdukjes. Kamerat e furgonit dhe provat e ADN-së e lidhën direkt me krimin, ndërsa ai vetë pranoi rrëmbimin dhe vrasjen e vogëlushes. Sipas dëshmisë së Horner, ai pretendoi se e kishte goditur aksidentalisht Athenën me furgon dhe, nga paniku, e kishte futur me forcë në automjet. Megjithatë, provat zbuluan një histori shumë më të tmerrshme: Athena kishte luftuar për jetën e saj, ishte dhunuar dhe më pas ishte mbytur. Audio dhe pamjet e kamerës së furgonit treguan momentet e fundit të vajzës së vogël, ku ajo dëgjohej duke pyetur rrëmbyesin: “A je ti rrëmbyes?”. Një nga detajet më prekëse të tragjedisë ishte fakti se pakoja që Horner kishte dorëzuar përmbante kukulla Barbie me mesazhin “You can be anything”, një simbol i ëndrrave që Athena nuk pati kurrë mundësinë t’i jetonte. Në vitin 2026, Tanner Horner pranoi fajësinë për rrëmbim dhe vrasje. Mbrojtja tentoi të argumentonte se ai vuante nga çrregullime mendore dhe se një “alter ego” i quajtur “Zero” kishte kryer krimin, por ekspertët psikiatrikë e hodhën poshtë këtë pretendim. Juria e konsideroi atë një rrezik të vazhdueshëm për shoqërinë dhe më 5 maj 2026 ai u dënua me vdekje me injeksion vdekjeprurës. #AthenaStrand #KrimeTePazgjidhura #PodcastTVKlan #TannerHorner SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook: https://www.facebook.com/klannews Follow @klannews on Instagram: https://www.instagram.com/tvklannews/ #KlanNews #KlanNewsLajme #TvKlan