Biografia e Bujar Nishani, kandidat i mazhorancës për President të Republikës - (11 Qershor 2012)

Lajme arkiva 2012 Kandidati i mazhorancës për President të Republikës, Bujar Nishani, mban postin e Ministrit të Brendshëm që nga prilli i vitit 2011. Kohë kjo kur, nga shtatori i vitit 2009, ai ishte në krye të Ministrisë së Drejtësisë. Post ky që e mban për herë të dytë, pasi edhe në mars të vitit 2007 mazhoranca e asaj kohe i beson atij postin e Ministrit të Brendshëm. Ministri i Brendshëm, Bujar Nishani, me një karrierë të suksesshme politike, është zgjedhur deputet i Kuvendit të Shqipërisë në vitin 2005. Më herët, ai ka qenë pjesë e kabinetit të Ministrit të Mbrojtjes dhe Ministrit të Jashtëm, detyra që i merr që në vitin 1993, pas punës si pedagog në Akademinë Ushtarake “Skënderbej”. Bujar Nishani është anëtarësuar në Partinë Demokratike në vitin 1991. Është zgjedhur sekretar i Partisë për degën e Tiranës në vitin 2001 dhe në vitin 2003 zgjidhet anëtar i Këshillit Bashkiak të Tiranës nga lista e Partisë Demokratike. Ndërsa në vitin 2005, Bujar Nishani zgjidhet anëtar i Këshillit Kombëtar të Partisë Demokratike dhe më pas edhe anëtar i Kryesisë Qendrore të kësaj Partie. Bujar Nishani është diplomuar në Akademinë Ushtarake “Skënderbej” në vitin 1988. Ka kryer studimet pasuniversitare në Kaliforni në “Menaxhimi i Resurseve të Mbrojtjes” në vitin 1996. Në vitin 2004 diplomohet “jurist” në Fakultetin e Drejtësisë, Universiteti i Tiranës. Në vitin 2005 merr titullin “master” në Studimet Europiane./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook: https://www.facebook.com/tvklan/ Follow rtvklan on Instagram: https://www.instagram.com/rtvklan/ Programet e Tv Klan mund t\u2019i ndiqni edhe n\u00eb faqen https://tvklan.al/programe/