Tv Klan - Çfarë do të ndodhë më tej me negociatat?

Përpara nisjes se konferencës së 8 nderqeveritare që u mbajt në Bruksel të martën grupi negociator shqiptar kryesuar nga kryeministri ka diskutuar detajet protokollare. Vetë Rama postoi momente të shkurtra ku ai shkëmben dhe batuta me ministrat dhe keshilltarët që e shoqërojnë. E gadishmëria që lidhja Shqipëri BE të celebrohet zyrtarisht me anëtarësimin e vendit tonë brenda kësaj dekade nuk mungon nga të dyja palët. Konferenca e radhës ndërqeveritare do të shënojë mbylljen e grupkapitullit të parë por ende nuk ka një datë. Ajo që dihet është se grupkapitulli që mbyllet i fundi është ai i themeloreve ku përcaktohen piketat për “Gjyqësori dhe të Drejtat Themelore” dhe “Drejtësia, Liria dhe Siguria”. Por ndërkohë komisioni europian së bashku me vendet anëtare duhet të vendos se cili nga 5 grupkapitujt e tjerë do të mbyllet i pari. Kryenegociatorja në raportimin e fundit në kuvend deklaroi se janë plotësuar të gjithë kriteret e kërkuara nga Brukseli për 3 kapituj, ai për politikën e jashtme që Shqipëria e ka 100 përqind të përputhur me BE, si dhe kapitujt e arsimit dhe kulturës dhe shkenca dhe kërkimi shkencor. Ambicja e shpallur me grupin negociator është të mbyllen gjysma e 33 kapitujve brenda këtij viti dhe në krishtlindjet e vitit të ardhshëm të ketë përfunduar i gjithë procesi teknik. Burime nga grupi negociator pohojnë se Shqipëria do të shfrytëzojë presidencën qipriote që zgjat deri në fund të qershorit për të vendosur një datë për konferencën e 9 ndërqeveritare, shtet që është mbështetës për anëtarësimin tonë. Në gjysmën e dytë të vitit presidencën e BE e merr Irlanda që ende nuk i ka bërë publike prioritetet e kryesimit të saj. Gjithsesi si kryeministri ashtu dhe komisionerja e zgjerimit thanë të martën në konferencën për shtyp se deri tani si BE ashtu dhe Shqipëria janë brenda pritshmërive të shpallura që brenda 2030 vendi ynë të jetë anëtar. Por kjo do të varet dhe nga politika në Tiranë që duhet të tregojë vullnet për të bashkëpunuar dhe miratuar në parlament të gjithë reformat dhe ligjet e detyrueshme dhe në mënyrë të veçantë nga qeveria që duhet të jap prova se do zbatojë në praktik gjithçka është shkruar si detyrim në letër. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow Tvklan on Instagram: https://www.instagram.com/rtvklan/ Programet e Tv Klan mund t’i ndiqni edhe në faqen https://tvklan.al/programe/