Nga dorëheqja e Ramës te shfuqizimi i Paketës së Maleve, çfarë kërkojnë qytetarët

Edhe këtë të enjte, 4 qershor, qytetarët janë pozicionuar para Kryeministrisë me thirrjet kundër ndërtimeve në Zvërnec. Njëjtë si ditët paraardhëse, për çdo zhvillim nga bulevardi "Dëshmorët e Kombit" raportojnë në kohë reale gazetarët e Klan News. Duhet theksuar se sot nuk ka bllokim nga ana e forcave policore, ndërsa shohim prani të shtuar të fëmijëve në mesin e protestuesve. “Pas pesë ditësh protesta të pandërprera, nuk do ndalemi deri në përmbushjen e kërkesave tona të panegociueshme, kjo lëvizje mbarëkombëtare përfaqësohet nga një grup koordinues patriotësh me integritet dhe vlera të larta intelektuale e shoqërore. Janë njerëz dinjitozë, të rinj e të reja, të vendosur për ta çuar këtë kauzë deri në fund. Kjo është një përgjigje ndaj rrezikut të madh në të cilin ndodhet vendi ynë, sipas bindjes tonë, në këto 35 vite, është cenuar interesi dhe siguria kombëtare. Pasuritë dhe e ardhmja e vendit është vënë në shërbim të interesave dhe politikave private. Për të qartësuar gjithë opinionin publik, brenda dhe jashtë vendit, dhe për të hequr çdo hije dyshime apo përpjekje për baltosjen e kësaj lëvizjeje patriotike, deklarojmë se protesta është organizuar dhe udhëhiqet nga qytetarë të lirë”, tha njëri nga protestuesit, pasuar me ovacione. Më tej, ai rreshtoi pesë kërkesa, të cilat theksoi se janë të panegociueshme. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook: https://www.facebook.com/klannews Follow @klannews on Instagram: https://www.instagram.com/tvklannews/ #KlanNews #KlanNewsLajme #TvKlan