Edicioni i Lajmeve Tv Klan 22 Maj 2026, ora 23:00 | Lajme - News

Lajme, #edicioniinformativ ora 23:00, 22 Maj 2026 #TvKlan #klanlajme Spiker: Reis Çiço Headlines BE zyrtarizon konferencën ndërqeveritare më 26 maj Ambasadorët e vendeve të BE-së miratuan me konsensus raportin IBAR për grupkapitullin e parë, që përfshin çështjet themelore të negociatave të pranimit me Shqipërinë. Pas këtij hapi, më 26 maj do të mbahet në Bruksel konferenca ndërqeveritare Shqipëri-BE për procesin e anëtarësimit. Rama: Fazë e re e negociatave me BE-në, humbën ata që thanë se Shqipëria u bllokua Kryeministri Edi Rama thotë se Shqipëria po hyn në një fazë të re të negociatave me Bashkimin Europian pas miratimit të raportit IBAR. Kreu i qeverisë shprehet se opozita humbi sërish me pretendimet se procesi i integrimit ishte bllokuar. Berisha: Raporti i IBAR pasqyron problemet e Shqipërisë, opozita nuk pengon integrimin Kreu i opozitës, Sali Berisha, thotë se raporti i IBAR për Shqipërinë pësoi 32 ndryshime dhe se ai pasqyron të gjitha problemet e qeverisjes. Berisha hodhi poshtë akuzat e Ramës se opozita kërkon pengimin e integrimit të vendit në BE. Të hënën viziton Tiranën ministri grek i Mbrojtjes, diskutime edhe për çështjen e detit Të hënën do ta vizitojë Tiranën ministri grek i Mbrojtjes, Nikos Dendias. Në fokus të takimeve pritet të jetë çuarja përpara e nismës për dërgimin në Gjykatën Ndërkombëtare të Drejtësisë në Hagë të dosjes për përcaktimin e kufirit detar. Aeroporti i Vlorës, qeveria: Nuk tolerojmë vonesa, do të ketë sanksione nëse shkelet kontrata Ministri i Infrastrukturës, Enea Karakaçi, thotë se qeveria nuk do të tolerojë vonesa në projektin e aeroportit të Vlorës dhe se do të ndjekë të gjitha mjetet ligjore për zbatimin e kontratës. Ai paralajmëroi edhe penalitete në rast të vonesave. Ligji i ri frenon kompanitë e huaja të nxjerrin fitimet jashtë vendit Shqipëria i është bashkuar marrëveshjes globale të OECD-së për tatimin minimal ndaj korporatave shumëkombëshe. Një ligj i ri synon të kufizojë shmangien e taksave dhe transferimin e fitimeve jashtë vendit, drejt shteteve me tatime më të ulëta. Polemika për listën e Anglisë, Tuchel lë jashtë disa prej yjeve Këtë të premte ishte radha e Anglisë për të publikuar listën e futbollistëve për Kampionatin Botëror. Polemikat nuk kanë munguar, pasi kanë mbetur jashtë disa nga yjet e skuadrës së “Tre luanëve”. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow Tvklan on Instagram: https://www.instagram.com/rtvklan/ Programet e Tv Klan mund t’i ndiqni edhe në faqen https://tvklan.al/programe/