Tv Klan - Berisha: PD mbështet kërkesat e protestës qytetare

Kryedemokrati Sali Berisha ka sqaruar qëndrimin e PD ndaj protestës së qytetarëve kundër investimit në Zvërnec. Në një postim të gjatë në “Facebook”, Berisha shkruan se PD e respekton protestën e qytetarëve, pavarësisht thirrje që drejtohen kundër tij, për cilat thonë se bëhen nga partitë e vogla që i konsideron si opozitë e opozitës. “Kjo protestë nuk është thirrur nga PD-ja, por ne e respektojmë atë dhe të drejtën e çdo qytetari për të protestuar. PD nuk u ka kërkuar asnjëherë anëtarëve dhe mbështetësve të saj që të mos e mbështesin apo të mos shkojnë në protestë, pavarësisht disa thirrjeve të orkestruara nga "opozita e opozitës" si vegël e faktuar e qeverisë kundër nesh dhe për agjendën e vet politike”, tha Berisha.   Berisha thotë se PD mbështet edhe kërkesat e protestuesve. “Lidhur me mbështetjen e kërkesave të përfaqësuesve të Lëvizjes së fuqishme rinore e qytetare për anulimin e një sërë ligjesh të narkoqeverisë që lidhen me investimet strategjike, Korporatën e Investimeve, Partneritetet Publiko-Private (PPP), Paketën dhe Portën e Maleve, mjedisin dhe trashëgiminë kulturore, pa asnjë përjashtim, të gjitha ato janë kundërshtuar me forcën më të madhe nga PD-ja dhe grupi i saj parlamentar në komisionet dhe seancat parlamentare, e madje, në raste të caktuara, edhe në gjykatat e kontrolluara nga qeveria, ndaj dhe ajo i mbështet pa asnjë rezervë këto kërkesa”, shtoi kreu i PD. Deklaron se PD nuk është kundër investimeve të huaja në Shqipëri. “Partia Demokratike nuk është dhe nuk do të jetë kurrë kundër investimeve të huaja në Shqipëri. Ajo i ka mirëpritur dhe do t'i mirëpresë ato me kushtin e vetëm dhe të panegociueshëm që të bëhen në përputhje të plotë me ligjet e vendit dhe ato ndërkombëtare. Në këtë pikë, PD është e bindur se shkaku më themelor i protestës qëndron tek mungesa totale e transparencës nga Edi Rama në rastin e Zvërnecit, si në çdo rast tjetër në të cilat ai sillet si sulltan i një sulltanati jashtë kohe”, theksoi Berisha. Teksa kryeministrit Rama i kërkon që të mos kërcënojë protestuesit, Berisha tregon dhe se cila sipas tij rruga e zgjidhjes së situatës së krijuar prej më shumë se një jave në vendin tonë. “PD i kërkon Edi Ramës të heqë dorë nga kërcënimet, arroganca, përçmimi dhe etiketimet e protestuesve. Për një zgjidhje të vetme politike, ai duhet të japë menjëherë dorëheqjen, të plotësojë kërkesat e përfaqësuesve të Lëvizjes së fuqishme rinore e qytetare dhe të krijohet një qeveri kujdestare për përgatitjen e zgjedhjeve të lira dhe të ndershme në Shqipëri”, përfundoi kryedemokrati. Lideri i demokratëve thotë se kauzat e qytetarëve janë të njëjta me ato që ka kërkuar vazhdimisht PD duke organizuar edhe një seri protestash kundër qeverisë. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow Tvklan on Instagram: https://www.instagram.com/rtvklan/ Programet e Tv Klan mund t’i ndiqni edhe në faqen https://tvklan.al/programe/ #SaliBerisha #PD #PartiaDemokratike #Protesta #Zvërnec #EdiRama #Qeveria #Opozita #InvestimetStrategjike #Transparenca #PPP #Mjedisi #Dorëheqje #QeveriKujdestare #ZgjedhjeTëLira #Politikë #Shqipëri #Deklaratë #Aktualitet